Sakatare-janar Na Kungiyar Kasashe Masu Mai OPEC, Mohammed Barkindo Ya Rasu

Babban sakataren kungiyar kasashe masu arzikin man fetur (OPEC), Mohammed Sanusi Barkindo, ya rasu.

Mele Kyari, Manajin Darakta na Kamfanin Man Fetur na Nijeriya (NNPC) Limited, ya sanar da rasuwarsa a wani sako da ya wallafa a shafinsa na Twitter da sanyin safiyar ranar Larabar nan.

• Sallah: ‘Yan Bindiga Sun Kai Wa Tawagar Shugaba Buhari Hari A Hanyarsa Ta Zuwa Katsina

Kyari ya ce ya rasu ne da misalin karfe 11 na daren ranar Talata ‘yan sa’o’i kadan bayan ya gabatar da jawabi ga masu ruwa da tsaki a harkar man fetur da iskar gas a taron da aka gudanar kan sanin mai da iskar gas na Nijeriya na shekarar 2022 da aka gudanar a Abuja.

Bayan kammala taron ya gana da shugaban kasa Muhammadu Buhari a fadar gwamnati tare da tawagar sakatariyar kungiyar OPEC.

Ya rasu yana da shekaru 63.

“Za a sanar da shirye-shiryen jana’izar sa nan ba da jimawa ba.” inji Kyari.

Sulaiman

+ postsBio

• Sulaiman

  Kotu Ta Tsare Shugaban Makaranta Da Malami Kan Zargin Lalata Da Ɗaliba Mai Shekara 6 A Gombe
• Sulaiman

  An Bankado Muguwar Aniyar Japan Ta Haifar Da Tashin Hankali A Tekun Kudancin Sin
• Sulaiman

  Layin Dogo Tsakanin Tanzaniya Da Zambiya Ya Zama Shaidar Abota Tsakanin Sin Da Afirka
• Sulaiman

  Nijeriya da Masar Sun Ƙulla Haɗin Gwiwa Domin Yaƙi da Miyagun Ƙwayoyi