Sarkin Musulmi Ga Shugabanni: Ku Guje Wa Rayuwar Almubazzaranci Domin Nijeriya Ta Ci Gaba

An umurci shugabannin Nijeriya da su daina salon rayuwa irin ta ikirari da alfahari da suke yi, su yi aiki tukuru don ganin sun tsamo masu kananan karfi daga cikin mawuyaciyar rayuwa da suke ciki.

Shugaban kungiyar Jama’atu Nasril Islam (JNI) kuma Sarkin Musulmi, Mai Martaba Muhammad Sa’ad Abubakar (III), ne ya yi wannan kiran a jiya a sakon Babbar Sallah da ya yi ga ‘yan Nijeriya.

• Bikin Babbar Sallah: Gwamnan Katsina Ya Yi Fatali Da Kyautar Raguna 100 Da Wani Attajiri Ya Yi Masa

Sarkin Musulmin, wanda ya bayyana cewa Nijeriya na cikin tsaka mai wuya ta kowane fanni duba da irin kalubalen da kasar ke fuskanta, ya bukaci shugaba Bola Ahmed Tinubu da sauran sabbin shugabanni da su yi duk mai yiwuwa cikin gaggawa domin saukakawa talakawan Nijeriya kan halin da suke ciki.

Mai Martaba, a cikin wata sanarwa da babban sakatarensa Farfesa Khalid Abubakar Aliyu ya fitar domin taya al’ummar musulmi murnar sallar Eid-el-Kabir, ya bayyana damuwarsa kan yadda talakawan Nijeriya ke ci gaba da fama da tsadar rayuwa ta hanyar hauhawar farashin kayayyaki.

A karshe, Sarkin ya nemi al’ummar Nijeriya –  Musulmai da kiristoci da su hada kai don tabbatar da zaman lafiya da habaka tattalin arzikin kasa.

Sulaiman

+ postsBio

• Sulaiman

  Binciken CGTN: Amfanar Da Kowa Da Kowa Shi Ne Ainihin Alherin Da Fasahohin Kwaikwayon Tunanin Bil Adama Suka Kawo
• Sulaiman

  Sin Ta Yi Kira Da A Kafa Tsarin Jagorantar Muhimman Ma’adinai Ga Sauyawa Zuwa Amfani Da Makamashi Mai Tsafta
• Sulaiman

  Gwamna Dauda Lawal Zai Gabatar Da Jawabi A Taron Ƙasa Da Ƙasa Na Jami’ar FUE Zariya
• Sulaiman

  Neman Raba-Gari Da Sauran Kasashe Zai Kawo Mummuann Tasiri Ga Bangarorin Da Abin Ya Shafa