Shugaban kasar Sin Xi Jinping, ya amsa wasikar da wasu daliban jami’a suka rubuta masa, inda a cikin amsar da ya ba su, ya yi kira gare su da su kara ba da gagarumar gudummawa, wajen farfado da yankunan karkara.
Daliban dai na halartar wani shiri a jami’ar koyon ayyukan gona ta kasar Sin, shirin da ke tura su sassa daban daban don bunkasa ayyukan noma.
Cikin amsar sa, shugaba Xi, ya karfafa gwiwar daliban da su kara ba da gagarumar gudummawa wajen farfado da yankunan karkara. Kaza lika ya gabatar da sakon gaisuwar ranar matasan Sin ga dukkanin matasan kasar, wadda ake bikin ta a duk ranar 4 ga watan nan na Mayu. (Saminu Alhassan)
ADVERTISEMENT
