A yau Asabar ne shugabar jam’iyyar Kuomintang ko KMT Cheng Li-wun, ta jagoranci wata tawaga zuwa ziyarar girmamawa, kabarin tunawa da Sun Yat-sen dake birnin Beijing.
Kabarin tunawa da Sun, yana cikin wurin bauta na Biyun, a lambun shakatawa na “Fragrant Hills” dake yammacin wajen birnin Beijing. Sun, wanda daya ne daga cikin kusoshin jam’iyyar KMT, kuma jagora mai daraja yayin juyin juya halin dimokaradiyyar Sin, kana daya daga wadanda suka taka rawar gani wajen kawar da mulkin danniya a Sin, ya rasu ne a shekarar 1925 a birnin Beijing. An kuma ajiye gawarsa a ginin wurin bautar na birnin Beijing kafin mayar da shi hubbarensa dake birnin Nanjing a shekarar 1929.
Da misalin karfe 9 na yau din, tawagar da Cheng Li-wun ke jagoranta ta isa wurin bautar. Kuma a wani daki na musamman na tunawa da Sun, ‘yan tawagar sun rusuna sau uku, gaban farin mutum mutumin dutse da aka sassaka da surar Sun, kana daga bisani suka ziyarci kabarin tunawa da shi domin nuna girmamawa gare shi. (Saminu Alhassan)
