Tawagar dindindin ta kasa Sin a ofishin MDD dake birnin Vienna da sauran kungiyoyin kasa da kasa a Switzerland, ta gudanar da bikin cika shekaru 55 da maido wa janhuriyar alummar kasar Sin halastacciyar kujerarta ta MDD, matakin dake shaida irin gudunmawar Sin da jaddada goyon bayanta ga MDD.
An gudanar da bikin ne a ranar Jummaa, ya kuma samu halartar shugabannin hukumomin kasa da kasa, ciki har da babbar daraktar ofishin MDD dake Vienna Monica Juma, da shugaban hukumar kula da makamashin nukiliya ta duniya ko IAEA Rafael Grossi, da babban daraktan hukumar bunkasa masanaantu ta MDD ko UNIDO Gerd Mueller.
Bikin ya hallara kusan mutane 200, ciki har da wakilan dindindin da jamian diflomasiyyar kasashe daban-daban, da kuma gogaggun masana.
Wakilin dindindin na kasar Sin a ofishin MDD da sauran kungiyoyin kasa da kasa dake Vienna Li Song, shi ne ya jagoranci bikin, ya kuma bayyana cikin jawabinsa cewa, shekaru 55 tun bayan maidowa kasar Sin halastacciyar kujerarta ta MDD, kasar ta samu ci gaba cikin lumana, ta kuma samar da gudunmawa ga kyautatuwar rayuwar biladama.
Kazalika, ta samu gagarumin ci gaban alumma karkashin jagorancin JKS, ta yi matukar mayar da hankali ga martaba rawar da MDD ke takawa, da ma kara samar da gudunmawa mai kima ga kudurin MDD na wanzar da zaman lafiya da ci gaba. (Saminu Alhassan)
