Kasar Sin ta samu gagarumin ci gaba wajen samar da kayayyakin binciken sararin samaniya masu amfani da fasahar AI, inda rukunin taurarin dan adam masu samfuran AI 10 ke cikin da’irarsu a sararin samaniya, kuma suke amfani da tsarin sadarwa a tsakaninsu.
A cewar dakin bincike na Zhejiang Lab da ya samar da rukunin taurarin bisa hadin gwiwa da abokan hulda na kasa da kasa, wannan ci gaba ya nuna yadda ake amfani da AI a binciken sararin samaniya mai zurfi da raya birane bisa fasahohi na zamani da nazarin albarkatu.
A watan Mayun 2025 ne kasar Sin ta harba taurarin dan adam 12, wanda shi ne rukunin taurari irinsa na farko mai sarrafa bayanai da aiwatar da lissafi daga sararin samaniya, wanda ake kiransa da “Three-Body Computing Constellation”.
Watanni 9 bayan shiga da’ira na gwaji, rukunin ya nuna karfin aiki, ciki har da aikin sadarwa da lissafi da bayar da damar amfani da shi da kuma tabbatar da dukkan sassan taurarin na aiki yadda ya kamata. (Mai fassara: FMM)
