Yau Laraba, kakakin ma’aikatar harkokin wajen Sin, Lin Jian ya jagoranci wani taron manema labarai na yau da kullun. Game da halartar taron kolin kungiyar hadin gwiwa ta Shanghai wato SCO na 2026 da shugaban Sin Xi Jinping zai yi, Lin Jian ya bayyana cewa a shirye Sin take yi don cimma matsaya daya a taron koli na Bishkek tare da dukkan bangarori, tare da rubuta sabon babin hadin gwiwa, da kuma bayar da gudummawa mai kyau ga tsaro, kwanciyar hankali, ci gaba, da farfadowar kasashen kungiyar, da kuma gina al’umma mai makoma ta bai daya ga daukacin dan Adam.
Bugu da kari, game da sanarwar da Kanada ta yi na kara harajin ramuwar gayya ga Amurka don mai da martani ga harajin da Amurka ta kakaba mata, Lin ya ce Sin a ko da yaushe tana kira da a warware matsalolin tattalin arziki da ciniki ta hanyar tattaunawa da shawarwari bisa girmama juna.(Safiyah Ma)
