Rundunar hadin gwiwa ta JTF ta Operation Hadarin Daji a jihar Zamfara ta ceto karin wasu dalibai mata bakwai na jami’ar tarayya da ke Gusau (FUGUS).
A baya Legit.ng ta rahoto cewa an sace dalibai mata sama da 20 a lokacin da wasu ‘yan bindiga suka kai hari a wani dakin kwanan dalibai da ke kauyen Sabon Gida a karamar hukumar Bungudu ta jihar a safiyar ranar Juma’a.
- Sace Daliban Zamfara: Matawalle Ya Bayar Da Tabbacin Dawowarsu Cikin Koshin Lafiya
- DA DUMI-DUMI: Dalibai Sun Rufe Babbar Hanyar Zamfara Kan Garkuwa Da Abokan Karatunsu
A cewar Zagazola Makama, kwararre kan yaki da tada kayar baya a yankin tafkin Chadi, an ceto daliban bakwai ne tare da wasu ma’aikatan Gupran Engineering Services Ltd, maza uku.
A baya dai sojojin sun kubutar da dalibai mata shida a ranar Juma’a jim kadan bayan sace su, wanda ya kawo adadin daliban da aka ceto zuwa 13.
Sunayen daliban da aka saki su ne kamar haka.
1. Rukayya Sani Batola
2. Barka da Juma’a
3. Maryam Salawuddeen
4. Salamatu Jummai Dahiru
5. Fiddausi Abdulazeez
6. Amamatullahi Asabe Dahiru
7. Ketura Bulus
8. Felicia Lahadi
9. Jamila Ahmad
10. Aisha Aminu Ujong
11. Mariya Abdulrahman Usman
12. Usaina Abdulrahman
13. Saadatu Aminu Abubakar
