Sojoji Sun Kashe Kwamandan Boko Haram, Sun Ƙwato Miliyan 37

Dakarun Operation HADIN KAI a Jihar Borno sun kashe wani babban kwamandan Boko Haram mai suna Abou Aisha a wani samame, tare da ƙwato makamai da alburusai.

Sojojin sun kuma tare wata mota ɗauke da mutane biyar inda suka gano kusan Naira miliyan 37 da aka ɓoye a cikin wata jaka, tare da wayoyin hannu da ake zargin suna da alaƙa da ayyukan ta’addanci.

• Nahiyar Afrika Ta Yaba Da Sakon Xi Jinping Ga Taron AU
• Larabawan Da Suka Dauki Kasadar Ceton Yahudawa Lokacin Kisan Kiyashi

An gudanar da wannan aiki ne tare da taimakon ‘yan sa-kai a wata hanya da mayaƙan ke bi daga Kamaru zuwa Nijeriya.

Sojoji sun ce matakin na daga cikin ƙoƙarin katse hanyoyin kuɗi da kayayyakin da ke taimaka wa ‘yan ta’adda.

Hukumar sojin ta ƙara da cewa dakarun na ci gaba da sintiri a yankin domin tabbatar da tsaro.

Ta ce matakan da za su hana ‘yan ta’adda sake haɗuwa ko samun damar kai hare-hare a yankin.