Yadda aka ga irin “durkusawa” da ajiye furanni da firaministar Japan, Takaichi Sanae, ta yi a bikin tunawa da yakin Australia yayin ziyararta a kasar, yana da nasaba da dabaru ko lissafe-lissafen siyasa da dama, kamar yadda Hausawa kan ce “akwai lauje cikin nadi”.
Da farko, abin da Takaichi Sanae ta yi na “durkusawa” da mika furanni yana da nufin neman rage shan suka da zarge-zargen da kasashen duniya ke yi wa Japan kan kokarinta na kawata tarihin yakinta na zaluncin mamaya a kan wasu kasashe.Na biyu, masu ra’ayin rikau na Japan suna kokarin cimma manufar karfafa soji da kara yawan makamai ta hanyar kambama barazanar waje, kuma bisa hakan suna kokarin jawo hankulan kasashe makwabta, musamman kasashen yamma, domin shiga cikin rikicin bangarorin yanki.
Bugu da kari, sakamakon yadda Japan ta dage haramcin fitar da makamai na kisa, akwai yiwuwar hadin gwiwar tsaro tsakanin Japan da Australia ya kara karfi a nan gaba. Saboda haka, “durkusawar” Takaichi Sanae ita ma wata hanya ce ta “kyautata hulda” domin tallata fitar da makamai na kisa daga Japan.“Durkusawar” Takaichi Sanae a Australia wata tsokana ce ko hasala wadanda aka zalunce su a yakin duniy
a na biyu a yankin Asiya da sauran wurare. Wannan wasan na siyasa ba zai iya boye burin Japan na “sake tara karfin soja” ba. (Mai fassara: Abdulrazaq Yahuza Jere)
