Shugaban kasar Sin Xi Jinping kwanan nan ya ba da muhimman umarni game da bunkasa masana’antar hidimomi, inda ya bayyana cewa, masana’antar hidimomi ta Sin tana kara fadada a hankali, kuma ingancinta na ci gaba da karuwa, wanda ke taka muhimmiyar rawa wajen tallafa wa kara matsayin masana’antar, da biyan bukatun rayuwar jama’a, da samar da ayyukan yi.
Ya jaddada cewa, ya kamata a zurfafa aiwatar da aikin fadadawa da inganta masana’antar hidimomi, da kuma ciyar da masana’antar hidimomi masu alaka da sha’anin samar da kayayyaki zuwa kwarewa da kuma inganci, kana da inganta masana’antar hidimomi masu alaka da zaman rayuwa ta zama masu inganci da saukin amfani. Ya kuma bukaci a samar da karin “hidimomi iri na Sin” masu kyau, da kuma kokarin bude sabon yanayi na ci gaba mai inganci na masana’antar hidimomi.
An gudanar da babban taron masana’antar hidimomi na kasar Sin a birnin Beijing daga ranar 7 zuwa 8 ga watan Afrilu, inda aka sanar da muhimman umarnin Xi Jinping.(Amina Xu)
