Yayin da yake halartar wani aikin dashen bishiyoyi na sa-kai a birnin Beijing, babban birnin kasar Sin, da safiyar yau Litinin, shugaban kasar Sin Xi Jinping, ya jaddada cewa kyakkyawan muhalli yana bukatar hadin gwiwar kowa da kowa wajen ginawa. Ya kamata a tsara da kuma wayar da kan dukkan al’umma don shiga cikin aikin dashen bishiyoyi, don kara kawata tsaunuka da kogunan kasar, da kuma kara ingancin zamanantarwa irin ta Sin.
Xi Jinping ya kara da cewa, dashen bishiyoyi muhimmin aiki ne wajen gina kyakkyawar kasa, kuma dole ne mu yi amfani da hangen nesa na dogon lokaci, mu yi aiki tare don tabbatar da cewa an aiwatar da wannan muhimmin aiki dake amfanar da kasar da ma jama’a yadda ya kamata.
Ya kuma jaddada cewa ya kamata a yi kokarin kyautata muhallin birane da ma karkara, da kara yawan bishiyoyi a wuraren da al’ummomi suke zama, ta yadda mazauna birane da karkara za su iya jin dadin rayuwa a muhalli mai kyau.(Safiyah Ma)
