Tun lokacin da Shugaba Bola Ahmed Tinubu ya hau mulki a watan Mayun 2023, ‘yan Nijeriya sun fuskanci gagarumin ƙarin tsadar kayayyakin masarufi.
Cire tallafin man fetur, sauye-sauyen tsarin musayar kuɗin waje, faɗuwar darajar naira, ƙarin kuɗin makamashi da kuma hauhawar farashin kayayyaki sun kasance manyan abubuwan da ake tattaunawa a kai dangane da matsalolin tattalin arzikin ƙasar.
Duk da cewa gwamnatin Tinubu ta kare sauye-sauyen tattalin arzikin da ta aiwatar, tana mai cewa suna da muhimmanci wajen daidaita tattalin arziki da jawo hannun jari, tasirin da waɗannan matakai suka yi ga ƙarfin sayen kayayyaki na iyalai ya ci gaba da zama babban abin damuwa.
Yayin da babban zaɓen 2027 ke ƙara kusantowa, baya ga alkawuran siyasa da hasashen tattalin arziki, ‘yan Nijeriya da dama na auna tasirin manufofin gwamnati ne ta hanyar kuɗin da suke kashewa wajen sayen abubuwan buƙata na yau da kullum, daga sufuri da abinci zuwa wutar lantarki, gas ɗin girki, kiwon lafiya da amfani da intanet.Ga kwatanta farashin kayayyaki da ayyuka kafin da kuma lokacin wannan gwamnati, domin nuna yadda kuɗin wasu muhimman abubuwan buƙata suka ƙaru.
1. Man Fetur: Daga kasa Da Naira 250 Zuwa Sama Da Naira 1,300 Kan Lita
2. Siminti: Daga Kimanin Naira 5,000 Zuwa Naira 15,000 Kan Buhu Ɗaya
3. Shinkafa: Daga Kimanin Naira 28,000 Zuwa Sama Da Naira 70,000 Kan Buhun Kilogiram 50
4. Ruwan Fiya Wata: Daga Naira 5–10 Zuwa Naira 50 Kan Sacet Ɗaya
5. Wutar Lantarki: Kuɗin Wutar Lantarki Na Band A Ya Haura Naira 200 Kan Kowace Unit
6. Gas ɗin Girki: Daga Naira 800 Zuwa Naira 1,500 Kan…
7. Kuɗin Intanet Na Wayar Hannu: Ƙarin Kashi 50 Cikin 100 A Kuɗin Sadarwa
8. Madarar Jarirai: Abincin Jarirai Ya Ƙara Tsada
9. Paracetamol: Daga Naira 150 Zuwa Naira 1,900
10. Gari Kwaki: Daga Naira 370 Zuwa Sama Da Naira 800 Kan Kilogiram Ɗaya
