‘Yan Sama Jannatin Shenzhou-23 Sun Shiga Tashar Binciken Sararin Samaniya Ta Sin

‘Yan sama jannatin kumbon Shenzhou-23, sun shiga tashar binciken sararin samaniya ta kasar Sin, wannan shi ne karo na 8 da ‘yan sama jannatin kasar Sin suka hadu a sararin samaniya.

Da misalin karfe 5:13 na sanyin safiyar yau Litinin, ‘yan sama jannatin Shenzhou 21 suka bude kofar tashar binciken sararin samaniya ta Sin, domin maraba da sabbin zuwan.

Wannan shi ne karon farko da ‘yar sama jannati daga yankin Hong Kong na Sin ta shiga tashar.‘Yan sama jannatin 6 sun dauki hoton tunawa da wannan lokaci. Kuma cikin kwanaki masu zuwa, za a mika ragamar ayyuka ga sabbin zuwan, yayin da dukkansu ke cikin tashar dake cikin da’irarta a sararin samaniya.

Rokar Long March-2F ne ta harba kumbon Shenzhou-23 mai dauke da ‘yan sama jannati da misalin karfe 11:08 na dare a jiya Lahadi, daga cibiyar harba taurarin dan adam ta Jiuquan da ke arewa maso yammacin Sin.‘Yan sama jannatin da suka hada da Zhu Yangzhu da Zhang Zhiyuan da Li Jiaying, ‘yar yankin Hong Kong da ake kira Lai Ka-ying, su ne za su gudanar da ayyukan bincike na Shenzhou-23 a tashar binciken sararin samaniya ta Sin, karkashin jagorancin Zhu Yangzhu.

Kawo yanzu, kasar Sin ta tura ‘yan sama jannati 30 zuwa sararin samaniya. (Mai fassara: Fa’iza Mustapha)

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”