Yanzu-yanzu: Jirgin Max Air Ya Yi Hatsari A Filin Jirgin Saman Abuja

Wani jirgin saman Max Air ya yi hatsari a filin jirgin saman Nnamdi Azikiwe da ke Abuja a ranar Lahadi sanadiyar fashewar tayar saukar jirgin wacce ta kama da wuta bayan saukar jirgin.

Wani jami’in kamfanin ya shaidawa LEADERSHIP cewa ba a samu asarar rai ba, domin an kwashe dukkan fasinjoji 144 da ma’aikatan jirgin 6 cikin koshin lafiya.

• Hajjin 2023: Miliyan 3 Kowane Maniyyaci Zai Biya A Bana —NAHCON

Jirgin dai ya taso ne daga Yola jihar Adamawa.

Hukumar ceto da kashe gobara (ARFFS) da ke aiki a filin jirgin ta yi gaggawar daukar matakin kashe gobarar.

Tsohon shugaban kungiyar likitocin Nijeriya (NMA), Dr. Mike Ogirima, wanda ya bada labarin faruwar lamarin ya ce tayar jirgin ce ta fashe tun a filin jirgin sama na Yola yayin tashin jirgin.

Don haka, jami’an kashe gobara da ke filin jirgin saman Abuja suk shirya tsaf suna jiran saukar jirgin.

Har yanzu dai babu wata sanarwa a hukumance daga hukumar kula da filayen jiragen sama ta Nijeriya FAAN.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”