Yara Da Basu Zuwa Makaranta: Ana Bukatar Karin Makarantu 20,000 Da Ajujuwa 907,769 – UBEC

Sakataren zartarwa na hukumar kula da ilimin bai-daya (UBEC), Dr. Hamid Boboye, ya bayyana cewa Nijeriya na bukatar karin makarantu 20,000 da kuma ajujuwa 907,769 domin samun guraban da dalibai ‘yan Makaranta za su tsuguna.

Boboye ya bayyana haka ne a Abuja a ranar Talata yayin da yake karin haske ga Babban Ministan Ilimi, Farfesa Tahir Mamman da Karamin Ministan, Dokta Yusuf Sununu.

• Zargin Daura Aure Da Mai Kanjamau: Gwamna Radda Ya Tube Hakimi

Ya bayyana cewa, rashin isassun ajujuwa da ma’aikata, su ne manyan kalubalen da hukumar ke fuskanta a kokarinta na tabbatar da samun ingantaccen ilimi a fadin kasa baki daya.

Anasa jawabin, Farfesa Mamman, ya ce, ma’aikatar ilimi a karkashinsa za ta ba da fifiko ga ilimin bai-daya a fadin kasar.

Mamman ya kuma jaddada cewa, bangaren ilimin bai-daya shi ne bangare mafi muhimmanci a fannin ilimi wanda dole ne a inganta shi yadda ya kamata domin samun nasarori da saukin fahimtar karatu a sauran matakai na gaba a fannin ilimi da kuma samun ci gaban kasa baki daya.

Ya yi kira ga daukacin jihohin tarayyar Nijeriya da su kara himma a bangaren ilimin bai-daya domin kara habaka ilimi a kasar nan.

Sulaiman

+ postsBio

• Sulaiman

  Ofishin Jakadancin Sin A Nijeriya Ya Shirya Taron Murnar Cika Shekaru 99 Da Kafuwar Rundunar PLA Ta Sin
• Sulaiman

  Farfesa Dr. Otto Heinrich Herzog: Sin Tana Da Tsari Mai Kyau Na Aiwatar Da Dabarun Ci Gaba
• Sulaiman

  An Watsa Shirin Talabijin Mai Taken “Yiwu Ta Duniya –Yadda Xi Jinping Ke Kulawa Da Jagorantar Ci Gaban Yiwu”
• Sulaiman

  Baya Ga “Sanyi Irin Na Sin”, Akwai Wasu Abubuwa Da Yawa Da Masu Yawon Bude Ido Na Turai Ke Sha’awa Kan Kasar