A ranar Alhamis da misalin karfe 9 na safe ake sa ran yin jana’izar tsohon Wazirin Kano kuma Babban Limamin Masallacin Juma’a na Fagge, Sheikh Nasir Muhammad Nasir da Allah Ya yi wa rasuwa.
Ya rasu ne a ranar Laraba bayan ya sha fama da jinya.
- Tinubu Ya Umarci Hukumomin Tsaro Da Su Hana Rusau A Jihar Kano
- Hajjin Bana: Ku Zama Jakadu Na Kwarai – Gwamnan Gombe Ga Maniyyata
Marigayi Malamin Addinin Musulunci wanda aka fi sani da Limamin Waje yana da shekaru 87 a duniya.
Marigayin an nada shi a matsayin Wazirin Kano da marigayi Sarki Ado Bayero ya yi amma tsohon Gwamna Rabiu Kwankwaso ya tsige shi.
Kwankwaso ya maye gurbinsa, amma Nasir ya ki barin mukamin.
Gwamna Abba Kabir Yusuf ya jajantawa iyalai da mabiya da sauran al’ummar Kano.
A wata sanarwa da mai magana da yawunsa Sanusi Bature ya fitar, ya bayyana Nasir a matsayin “malami ne da ya yi suna” wanda ya bayar da gudunmawa wajen ci gaban Addinin Musulunci.
“Sheikh Nasir Muhammad Nasir shugaban al’umma ne kuma mai kawo zaman lafiya,” in ji gwamnan.
