Alkaluman da hukumar kididdiga ta kasar Sin ta fitar a yau Laraba 27 ga watan nan, sun nuna yadda daga watan Janairu zuwa Afrilun bana, yawan ribar da manyan masana’antun sarrafa hajoji na Sin suka samu ta zarce kudin kasar Yuan tiriliyan 2.4, adadin da karu da kaso 18.2 bisa dari kan na makamancin lokaci na bara.
Cikin adadin, yawan ribar da masana’antun suka samu daga bangarorin hakar ma’adinai da kere-kere, ya karu da kaso 26.0% da kaso 20.4%, sai dai kuwa a bangarorin da suka shafi makamashin wutar lantarki, da samar da dumi, da iskar gas, da kuma samar da ruwa, yawan ribar da masana’antun suka samu ta ragu da kaso 1.9%.
A watan Afrilun bana, yawan ribar da manyan masana’antun sarrafa hajojin na kasar Sin suka samu ta karu da kaso 24.7 bisa dari. (Murtala Zhang)
