Jimillar bashin gwamnatin Nijeriya ya kai Naira tiriliyan 159.28 zuwa ranar 31 ga Disamba, 2025, wanda hakan ke nufin cewa, kowane ɗan ƙasa na ɗauke da bashin kusan Naira 724,000, kamar yadda wani bincike na Daily Trust ya nuna.
Sabbin bayanai daga ofishin kula da basussukan Nijeriya (DMO) sun nuna cewa, bashin ƙasar na ci gaba da ƙaruwa a hankali, sakamakon yawaitar ci gaba da amso bashi.
Bayanan DMO ba su haɗa da sabon rancen Naira tiriliyan 8.3 da aka amince da shi daga Hadaddiyar Daular Larabawa da kuma UK Export Finance ba na kwanan nan, wanda ke nuna cewa bashin na iya ƙara ƙaruwa a rahotanni na gaba.
Da yawan al’ummar Nijeriya ya kai kusan miliyan 220, wannan yana nuna cewa kowane ɗan ƙasa yanzu yana ɗauke da wani ɓangare mai nauyi na bashin ƙasa.
