Kwamitin yaƙin neman zaɓen Gwamnan Jihar Oyo, Seyi Makinde, ya ce zai kayar da Shugaba Bola Tinubu a jihohi 12 a zaɓen shugaban ƙasa da za a gudanar a watan Janairun 2027.
Kwamitin, wadda ke yi wa Makinde kamfe a ƙarƙashin jam’iyyar APM, ta ce ’yan Nijeriya ba su gamsu da manufofin gwamnatin Tinubu ba saboda tsananin matsin tattalin arziƙin da ake fuskanta a ƙasar.
- Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
- 2027: Tinubu Zai Samu Ƙuri’u Masu Yawa A Kano – Gwamna Yusuf
- Mutane 7 Sun Rasu, 11 Sun Jikkata A Hatsarin Mota A Gombe
- Xi Jinping Ya Umarci Yin Bakin Kokari Wajen Ceto Mutanen Da Girgizar Kasa Mai Karfin Maki 7.0 Ta Rutsa Da Su A Xizang
- Binciken CGTN: Daga Samar Da Tsare-tsare Zuwa Aiwatarwa Tsarin Jagorancin Duniya Na Bukatar Karin Dabaru Na Hakika
Kwamitin ya lissafa jihohin Oyo, Kaduna, Ribas, Filato, Borno, Enugu, Bauchi, Sakkwato, Delta, Kano, Adamawa da Legas a matsayin jihohin da Makinde zai iya kayar da Tinubu.
Haka kuma, kwamitin ya buƙaci Tinubu ya yi tafiye-tafiye a cikin mota a manyan hanyoyin ƙasar domin ganin halin da hanyoyin gwamnatin tarayya suke ciki da kuma wahalhalun da ’yan Nijeriya ke fuskanta.
Kwamitin ya ce shirin Makinde mai suna RESET NIGERIA zai mayar da hankali kan inganta ilimi, tattalin arziƙi, tsaro da shugabanci na gari.
