Za Mu Yi Kyakkyawan Tsari Don Cin Zabe A Kano Ta Tsakiya – Zaura

Wanda ya lashe zaben takarar Sanatan Kano ta tsakiya karkashin jam’iyyar APC, Alhaji Abdussalam Abdulkarim Zaura ya bayyana cewa sun daura damarar yakin cinye zabe a Kano ta tsakiya.

Ya bayyana hakan ne a cikin jawabin da ya yi a dakin wasa na Sani Abacha bayan bayyana shi a matsayin wanda ya lashe zaben.

• INEC Ta Fitar Da Sabbin Ka’idojin Zaben 2023

Ya kara da cewa shi da ‘yan takarar majalisu na jiha dana tarayya da shugabanin mulki da na jam’iyya na kananan hukumomi za su zauna su fidda yadda za su yi su fatattaka Kano ta tsakiya wajen cin zabe a shekara ta 2023 da yardar Allah.
Zaura ya ce, yana tabbatarwa sa al’ummar Kano ta tsakiya cewa yanzu ne za su sami kyakkyawan wakilci da ikon Allah.
Shima Hon. Dahiru Ahmad Mai Wuddadu, mai magana da yawun Abdussalam Abdulkarim Zaura ya ce, zaben an gudanar dashi kowa ya zabi abinda yake so cikin tsari na zaman lafiya da kwanciyar hankali ba tare da an tursasa ko tilastawa kowa ba.
Ya ce, sannan kowa an bashi ‘yancinsa na damakwaradiyya ya zabi abinda ya zame masa daidai kuma cikin ikon Allah Alhaji A. A. Zaura ya sami nasara.
Hon. Dahiru Ahmad Mai Wuddadu ya yi fatan za a fito a dukkannin zabe dan aga jam’iyyar APC ta sami gagarumar nasara dan kafa Gwamnati a kowane mataki dan tabbatar da cigaban al’umma a wannan kasa.

Sulaiman

+ postsBio

• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu
• Sulaiman

  Sin Ta Tsara Bunkasa Darajar Cinikayyar Kayayyaki Zuwa Yuan Tiriliyan 60 Yayin Shirin Raya Kasa Na Shekarar 2026 Zuwa 2030