Zaben Kananan Hukumomi: Za A Yi Wa ‘Yan Takara Gwajin Kwaya A Kano

Hukumar zabe mai zaman kanta ta Jihar Kano, ta bayyana cewar za a yi wa ‘yan takara gwajin miyagun kwayoyi kafin ba su damar tsayawa takara.

Shugaban hukumar zaben jihar, Farfesa Sani Malunfashi ne, ya shaida wa manema labarai a Kano.

• Kano Pillars Ta Raba Gari Da Kocinta, Paul Offor
• Za Mu Dauki Fansar Kisan Haniyeh – Iran

Ya bayyana cewar hukumar za ta gudanar da zaben kananan hukumomin jihar a ranar 30 ga watan Nuwamba, 2024.

Hukumar zaben ta kuma sanar da cewa haramun ne manna fastocin yakin neman zabe a ginin gwamnati, fada, da wuraren ibada, kuma za ta hana duk wanda ya keta wannan doka tsayawa takara.

Ana sa ran gudanar da zaben ne a kananan hukumomin jihar 44.