Memba na ofishin siyasa na kwamitin kolin jam’iyyar kwaminis ta Sin, kuma mataimakin firaministan kasar Zhang Guoqing, ya halarta tare da gabatar da jawabi ta kafar bidiyo ga taron “hadin kai don bunkasa tattalin arzikin duniya tare” wanda aka yi jiya Alhamis.Zhang Guoqing ya bayyana cewa, manyan shawarwari hudu na duniya da shugaba Xi Jinping ya gabatar sun ba da jagoranci da karin karfi ga inganta zaman lafiya da ci gaban duniya. Ya ce ya kamata a ba da fifiko ga neman ci gaba, da inganta tsarin tafiyar da harkokin duniya, da kuma bunkasa tattalin arzikin duniya cikin hadin gwiwa.
Haka kuma, ya kamata a nace ga hadin gwiwa da bude kofa, kuma a kalli fa’idojin da kasashe daban-daban ke da shi da idon basira, kana a samar da saukin yanayin kasuwanci cikin ‘yanci, da kuma aiwatar da tsarin hadin gwiwar kasashe da yawa. A cewarsa, bangaren Sin yana fadada bude kasuwa mai zurfi ba tare da karkacewa ba, kuma zai ci gaba da gabatar da damarmakin ci gaba ga sauran kasashe, da kuma kara samar da karin tabbaci da kwanciyar hankali ga tattalin arzikin duniya. (Amina Xu)
Discussion about this post