2023: Kakakin Majalisar Kano, Chidari Ya Lashe Tikitin Takarar Majalisar Wakilai Na APC

Kakakin majalisar dokokin Kano, Hamisu Chidari ya lashe zaben fidda gwani na jam’iyyar APC na mazabar Dambatta/Makoda ba tare da hamayya ba.

Jami’in zaben fidda gwani na jam’iyyar, Aminu Sani ne ya bayyana hakan a Dambatta.

• Yau Litinin APC Za Ta Fara Tantance Masu Neman Takarar Shugaban Ƙasa

Sani ya bayyana cewa Chidari ya samu kuri’u 51 a karamar hukumar Makoda da kuri’u 47 a karamar hukumar Dambatta.

“Jimillar wakilai 105 ne suka kada kuri’unsu, Chidari ya samu kuri’u 98 yayin da kuri’u bakwai ba su da inganci. Hamisu Chidari da ya samu mafi yawan kuri’u an bayyana shi a matsayin wanda ya lashe zaben fidda gwani,” in ji shi.

Chidari a jawabinsa, ya godewa wakilan da kuma al’ummar mazabar Dambatta/Makoda a tarayya bisa amincewar da suka yi masa.

Shugaban majalisar ya yi kira ga sauran ‘ya’yan jam’iyyar da su ba shi hadin kai don ganin jam’iyyar APC ta yi nasara a zaben 2023.

Ya kuma yabawa al’umar yankin bisa yadda suka gudanar da zaben cikin lumana.

Muhammad

+ postsBio

• Muhammad

  2027: Matawalle Ya Bai Wa ’Yan Majalisar Zamfara Takwas Motocin Alfarma Kirar SUV
• Muhammad

  UTME: Ɗalibai 108 Daga 39,000 ’Yan Ƙasa Da Shekaru 16 Ne Suka Cika Sharuddan Shiga Jami’a
• Muhammad

  ’Yan Sanda Sun Kama ’Yan Ƙungiyoyin Asiri Takwas da Masu Damfarar ATM Uku A Kogi
• Muhammad

  Majalisar Dokokin Kano Ta Dakatar Da Ɗan Majalisa Na Watanni 3 Kan Fitar Bidiyon Jan Kunnen Zomo