2023: Wike Zai Goyi Bayan Peter Obi Ya Yi Watsi Da Takarar Atiku

Rikicin da ya dabaibaye jam’iyyar PDP na iya ci gaba da tafiya kamar yadda gwamnan jihar Ribas kuma shugaban kungiyar gwamnoni ta G-5, Nyesom Ezenwo Wike, ya amince zai mara wa dan takarar shugaban kasa na jam’iyyar LP, Peter Obi, tare da yin alkawarin samar da motocin yakin neman zabe ga dan takarar a jihar.

Sai dai ya sha alwashin ci gaba da zama a PDP domin yakar wadanda ya kira ” ‘yan fashi da makami” a jam’iyyar.

• Wike: “Yakin Neman Zabe Ne Yanzu A Gaban Mu” – Rundunar Yakin Neman Zaben Atiku

Hakan na zuwa ne yayin da Obi kuma ya fito fili ya watsar da dan takarar gwamnan jihar Rivers na jam’iyyar LP, Comrade Beatrice Itubo, ya marawa ‘yar takarar gwamna a jam’iyyar PDP, Siminalaye Fubara, domin ya samu goyon bayan Wike kan burinsa na lashe zaben shugaban kasa a zabe mai zuwa.

LEADERSHIP ta ruwaito cewa, a kwanakin baya Wike da wasu gwamnoni hudu na jam’iyyar PDP da aka fi sani da G-5 sun fice daga taron yakin neman zaben shugaban kasa na jam’iyyar, saboda takun-saka tsakanin su da dan takarar shugaban kasa na jam’iyyar PDP, Alhaji Atiku Abubakar.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”