Abinda Ya Hana Jam’iyyar NNPP Da LP Hadewa – Kwankwaso

Dan takarar shugaban kasa na jam’iyyar NNPP, Rabiu Musa Kwankwaso ya bayyana cewa amincewa ya zama mataimakin duk wani dan takarar shugaban kasa zai haifar da rugujewar jam’iyyar NNPP.

Kwankwaso, ya bayyana hakan ne a wata Hira da manema labarai a ranar Asabar, yayin wani taron kaddamar da ofishin jam’iyyar NNPP da kuma ganawa da zababbun ‘ya’yan jam’iyyar na Jihar Gombe.

• Abinda Ya Dace Inyamurai Su Koya Daga Tinubu – Kwankwaso

Ya ce ginshikin siyasarsa da ya gina tsawon shekaru da kuma dimbin gogewarsa da ya ke da ita a mukaman siyasa daban-daban a kasar nan ya taimaka wajen ganin jam’iyyar NNPP ta daukaka cikin kankanin lokaci.

Ya bayyana cewa da irin daukakar da jam’iyyar NNPP ta samu cikin kankanin lokaci, duk abin da zai kawo cikas wajen tsaya wa takarar sa na shugabanci a karkashin jam’iyyar zai haifar da rugujewar jam’iyyar.

Kwankwaso ya tabbatar da cewa jam’iyyarsa ta dade tana tattaunawa da jam’iyyar Labour (LP) domin yiwuwar hadewa amma babban abin da ya hana hadewar shi ne batun wanda zai zama dan takarar shugaban kasa.

Sulaiman

+ postsBio

• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu
• Sulaiman

  Sin Ta Tsara Bunkasa Darajar Cinikayyar Kayayyaki Zuwa Yuan Tiriliyan 60 Yayin Shirin Raya Kasa Na Shekarar 2026 Zuwa 2030