Wani abin al’ajabi da ya faru a Jihar Adamawa, shi ne na fyaden da wani matashi dan shekara 17, mai suna Lawali Mori, a Unguwar Viniklang cikin Karamar Hukumar Girei a jihar, ya yibwa wani zakara.
Cikin wata sanarwar manema labarai da kakakin rundunar ‘yansandan jihar, SP Suleiman Yahaya Ngoruje, ya ce rundunar ta kama matashin ne, biyo bayan canja kamannin da aka sani bisa al’adar kaji.
- ‘Yan Nijeriya Ba Sa Amanna Da Jam’iyyun Siyasa – Akpabio
- Kyautata Rayuwar Matasa Ne Fatanmu – Kwamoti La’ori
Sanarwar ta ci gaba da cewa “mun kame matashin ne, bisa kawo koken da Madam Esther Dimas, mazauniyar unguwar Viniklang, bayan da ta kama wanda ake zargin, yana aikinsa.
“Natashi ya tabbatar da abin da ake zaginsa da aikatawa, sai dai bai fadi dalilin da ya sa shi ke aikatawa ba” in ji sanarwar.
Sanarwar ta kara da cewa lokacin da kwamishinan ‘yansandan jihar, CP Afolabi Babatola, ya bayyana mamakin faruwar lamarin, ya bada umarnin gudanar da bincike mai zurfi kan lamarin.
