Hukumar kula da kididdiga ta kasar Sin ta bayyana a yau Alhamis cewa, alkaluman tattalin arziki na GDP na kasar Sin sun karu da kaso 5 bisa dari a mizanin shekara-shekara a rubu’in farko na bana, inda saurinsu ya karu da maki kaso 0.1 a kan na rubu’i na 4 na shekarar 2025.
A cewar hukumar, cikin rubu’in na farko na bana, GDPn kasar ya kai yuan triliyan 33.4, kimanin dala triliyan 4.87.
Har ila yau, a lokacin, an samu karuwar ayyukan da suka shafi samar da kayayyaki, haka kuma an samu karuwar bukatu a kasuwa, kana yanayin samun aikin yi na wani mataki na daidaito. Bugu da kari, farashin kayayyaki ya kasance daidai-wa-daida, haka kuma, an samu karuwar ci gaba mai inganci bisa sabon kuzari.
A cewar hukumar, tattalin arzikin kasar ya fara da kafar dama, inda yake nuna karin juriya da kuzari.A bara, GDPn kasar Sin ya karu da kaso 5 a mizanin shekara-shekara. A bana, kasar na da burin samu karuwar kaso 4.5 zuwa kaso 5, kuma za ta yi kokarin cimma hakan a aikace. (Mai fassara: Fa’iza Mustapha)
