Amfani Da Cibiyoyin CBT, Zai Magance Maguɗin Jarabawa – WAEC

Hukumar Shirya Jarabawar Kammala Sakandire ta Yammacin Afirka (WAEC) ta yi kira da a tabbatar da cikakken amfani da jarabawar kwamfuta (CBT) a matsayin wata hanya ta dakile maguɗin jarabawa a wasu cibiyoyin zana jarabawar.

Wani jami’in hukumar WAEC da ke ofishinta a Makurdi, Timothy Manga, ne ya bayar da shawarar a wata hira da Kamfanin Dillancin Labaran Nijeriya (NAN) kan ƙara yawaitar damuwar da ake da ita game da yawaitar cibiyoyin maguɗin jarabawa.

Manga ya ce zargin cewa akwai cibiyoyin “Maguɗin jarabawa ” a Jihar Benuwe abin damuwa ne, duk da cewa har yanzu ba a samu wata hujjar hukuma da ta tabbatar da kasancewar irin waɗannan cibiyoyi a jihar ba.

Ya jaddada cewa amfani da tsarin CBT cikin tsauri da ingantaccen sa ido zai taimaka wajen rage hanyoyin da ake amfani da su wajen tafka maguɗin jarabawa, tare da ƙara tabbatar da gaskiya da amincin sakamakon jarabawa.

Manga ya ce magance irin wannan matsala na da matuƙar muhimmanci domin kare mutuncin tsarin ilimi da kuma tabbatar da cewa takardun shaidar karatu da ake bayarwa sun dogara ne kan cancanta da gaskiyar ɗalibi.

Sulaiman

+ postsBio

• Sulaiman

  Sin Ta Ciri Tuta Game Da Rawar Gani Da Take Takawa A Fannin Warware Kalubalen Tsaro A Gabas Ta Tsakiya
• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace
• Sulaiman

  Sin Da Amurka Na Gudanar Da Tattaunawa Dangane Da Yiwuwar Rage Harajin Ramuwar Gayya Wanda Darajarsa Ka Iya Kaiwa Dala Biliyan 30
• Sulaiman

  Gwamnatin Tarayya Za Ta Rika Bai Wa Ɗalibai 100MB Na Data Kyauta Kullum