Yanzu ga bayani daki-daki kan amfanin Hulba ga lafiyarmu:
- Hulba na hana bushewar fata; Bincike ya tabbatar da cewa, yin amfani da Hulba na hana bushewar fata. Saboda haka duk mai fama da wannan matsala ta bushewar fata zai iya amfani da Hulba don maganin wannan matsala.
Yadda za a yi: Shi ne mutum ya samu garin Hulba, ya kwaɓa ta da ruwa, amma kwaɓin ya yi kauri, sai ya shafa a fuskarsa, ya bar shi tsawon kamar minti 30 sai ya wanke.
- Abinda Ya Kamata Kusani Akan Wasan Arsenal Da Chelsea
- Jihar Zamfara Na Da Rinjaye A Fannin Noma, In Ji Gwamna Lawal A Taron AIF Na Morocco
- Hulba na maganin Basir; Ga mutanen da ke fama da wannan matsala ta Basir, za su iya amfani da Hulba su samu sauƙi cikin yardar Ubangiji. Za a samu Hulba a dafa, sai a sauƙe, idan ta huce sai a zuba zuma, a riƙa sha, musamman awa guda kafin a kwanta barci.
- Hulba na maganin rashin ruwan mama ga mai shayarwa; A wasu lokutan, akan samu mace ta haihu amma sai ta samu ƙarancin ruwan mama. Yin amfani da Hulba zai samar wa da mai shayarwa ruwan mama, kuma zai taimaka wajen girman jaririnta.
A ƙasashen da ke nahiyar Asiya, mata kan yi amfani da Hulba don maganin matsalar rashin ruwan mama ga mai shayarwa. Masana sun ce, Hulba na taimakawa wajen samar da ruwan mama ga mata ma su shayarwa ne, sakamakon wani sanadari mai suna ‘phytoestrogen’ da ta ke ƙunshe da shi. Ana samun wannan fa’ida ta Hulba ne, ta hanyar shan ta cikin ruwan shayi.
Ko kuma, mace ta samu ‘ya’yan Hulba ta dafa da man ridi ta dinga ci har tsawon kwana uku, sannan ta riƙa shafa man a mamanta, In Allah ya so za a samu biyan buƙata, domin kuwa za ta samu ruwan mama da zai wadatar da jaririnta, kuma ya kasance cikin ƙoshin lafiya.
Za Mu Ci Gaba Mako Mai Zuwa Idan Allah Ya Kai Mu
