Gwamnatin Amurka ta bayar da tallafin muhimman kayayyakin soji ga Nijeriya a wani ɓangare na ƙoƙarin ƙarfafa ayyukan yaƙi da ta’addanci da tsaro da ƙasar ke yi.
Rundunar Sojojin Amurka mai kula da al’amuran Afirka (AFRICOM) ce ta sanar da hakan a cikin wata sanarwa da ta wallafa a shafinta na X a ranar Talata, inda ta ce, an mika kayayyakin ne ga hukumomin Nijeriya a Abuja a hukumance.
“Sojojin Amurka sun isar da muhimman kayayyakin soji ga abokan huldar mu na Nijeriya a Abuja. Wannan isarwar, ta biyo bayan kokarin da Nijeriya ke yi a ayyukan da suka shafi tsaro, kuma wannan ya jaddada hadin gwiwar tsaro da muke da ita,” in ji AFRICOM.
A cewar rundunar, bayar da kayayyakin ta nuna ci gaba da jajircewar Washington na karfafa hadin gwiwar tsaro da Abuja.
