Amurka Ta Yi Iƙirarin Kama Shugaban Ƙasar Venezuela

Shugaban Amurka, Donald Trump, ya bayyana cewa ƙasarsa ta kai hari kan ƙasar Venezuela, wanda a cewarsa hakan ya kai ga kama shugaban ƙasar, Nicolas Maduro, tare da matarsa.

A wani gajeren saƙo da ya wallafa a shafinsa na sada zumunta, Trump ya ce an cafke Shugaba Maduro da matarsa ne a lokacin da aka kai harin, sannan aka fitar da su daga ƙasar.

• Manyan Nasarorin Da Dr Matawalle Ya Samar A Sashen Tsaro
• Da Sahalewar Nijeriya Bayan Samun Bayanan Sirri Amurka Ta Kai Hari — Tuggar

Shugaban na Amurka ya ƙara da cewa an ƙaddamar da harin ne ta hanyar haɗin gwuiwa da jami’an tsaron ƙasarsa, yana mai nuni da cewa aikin ya kasance na musamman kuma cikin tsari.

Tun da daɗewa dai Amurka ke yin barazanar ɗaukar matakin soji a kan Venezuela, sakamakon tsamin dangantaka da ke tsakaninsu.

Idan har hakan ya tabbata, abu na gaba shi ne Amurka zata yi ruwa da tsaki wajen ɗora sabon shugaban da zai mata biyayya kamar yadda take burin yin hakan a ƙasar Iran.

Leadership Hausa

Website |  + postsBio

• Leadership Hausa

  Yadda Arsenal Ta Lashe Gasar Firimiya Bayan Shekara 22
• Leadership Hausa

  Bukatar Kawo Karshen Akidar Kyamar Baki A Kasar Afirka Ta Kudu
• Leadership Hausa

  Ikirarin Cewa Sanata Abdul’aziz Yari Abubakar, Marafan Sokoto, Nauyi Ne Ga Jihar Zamfara Da Jam’iyyar APC Ba Ta Da Tushe
• Leadership Hausa

  Nazarin Kisan Gillar Da ‘Yan Kato Da Gora Suka Yi Wa Wani Matashi A Biniwe