Ofishin jakadan Sin a kasar Holland ya gudanar da liyafar murnar sabuwar shekara a jiya Alhamis. Inda jakadan Sin a kasar Shen Bo, da kuma babban darektan kungiyar hana amfani da makamai masu guba ta kasa da kasa, da sauran manyan jami’ai na kasashe daban daban, da ‘yan kasar Sin da ke zaune a kasar, da wakilan hukumomin Sin da ke wurin, kana da wakilan daliban da ke karatu a can, na daga cikin mutane 300 da suka halarci bikin liyafar. Kazalika, an haska fim na yayata shirin murnar bikin bazara wato bikin sabuwar shekara na gargajiyar Sin da kamfanin CMG zai gabatar, duk a wajen liyafar, inda har ma aka nuna dimbin kayayyaki masu salon al’adun gargajiya na kasar Sin, ta yadda aka kaddamar da jerin ayyukan yayata shirin nan na musamman na CMG a kasar Holland.(Amina Xu)
Discussion about this post