An gudanar da bikin kaddamar da shirin tallata fina-finan kasar Sin mai taken “Reel China” a jiya Laraba 12 ga watan nan a wani gidan sinima na birnin Bishkek na kasar Kyrgyzstan, inda wakilai kusan dari 3 daga bangaren al’adu da kafafen yada labarai da ’yan asalin Sin da ke zaune a wurin gami da dalibai matasa na kasashen biyu suka hallara.
Domin ci gaba da tabbatar da matsayar da aka cimma tsakanin shugabannin kasashen biyu, da zurfafa mu’amalar al’adu da cudanyar jama’a tsakaninsu, shirin ya zabi wasu nagartattun fina-finan kasar Sin, ciki har da “Blue Planet Outside the Window” da “Pegasus 3”, domin nuna saurin ci gaban masana’antun daukar fina-finan kasar Sin gami da nagartar al’adun gargajiyar kasar. (Murtala Zhang)
ADVERTISEMENT
