Yayin da shugaban kasar Sin Xi Jinping ke halartar taron shugabannin BRICS karo na 16 a birnin Kazan na kasar Rasha, an gudanar da bikin watsa shirin bidiyo zagaye na 3 mai taken “Bayanan magabata da Xi Jinping yake so” da CMG ya tsara a kasar a jiya Laraba. Ofishin shugaban kasar Rasha ya taya murnar watsa wannan shiri a kasar. Wakilai fiye da 300 daga bangarorin siyasa da watsa labarai da ba da ilmi da sauransu sun halarci bikin.
Wannan shiri ya zabi wasu muhimman bayanan da Xi Jinping ya ruwaito a cikin jawabai da Xi Jinping ya yi, wanda ya bayyana fitaccen ra’ayinsa a bangaren siyasa da nagartattun al’adu da yake bi da ma ra’ayinsa game da tarihin duniya, kuma ya yi bayani game da tushen al’adun Sin a yunkurinta na zamanintar da al’ummarta. (Amina Xu)
