Yayin bikin Qingming watau bikin gargajiya na sharar makabarta na kasar Sin, al’ummar Sinawa sun tuna tare da girmama mamata magabata, wadanda suka sadaukar da rayuwarsu ga hidimtawa kasa. Daga wadanda suka fafata a lokacin juyin juya hali zuwa zamanin yau, ana tunawa da sadaukarwar da suka yi yayin bukukuwa a fadin kasar.
Bisa alkaluman da aka fitar a hukumance, ’yan sanda 210 da jami’an tsaron al’umma da ba na ’yan sanda ba 142 ne suka mutu a bakin aiki a shekarar 2025. Wannan ya kawo adadin jaruman da suka sadaukar da ransu ga kasar Sin zuwa miliyan 20, tun daga shekara ta 1840 zuwa yanzu.
Bikin ya hada da ajiye furanni a kaburbura da yin shiru na dan wani lokaci a makabartun magabata dake fadin kasar.
Rahotanni daga kafafen yada labarai na cikin gida sun ruwaito cewa, sassan gwamnati da makarantu da kungiyoyin al’umma a larduna da dama na kasar, sun shirya ziyarce-ziyarce a makabartu. (Fa’iza Mustapha)
