Arsenal Na Dab Da Ɗaukar Jeremy Monga Daga Leicester City

Ƙungiyar ƙwallon ƙafa ta Arsenal ta kusa da kammala yarjejeniyar ɗaukar matashin ɗan wasan Leicester City, Jeremy Monga.

Rahotanni sun nuna cewa ɗan wasan ya riga ya amince da komawa Arsenal, inda abin da ya rage kawai shi ne yarjejeniyar da ƙungiyoyin biyu za su yi kan kuɗin sayensa daga Leicester City.

Wakilan ɗan wasan sun riga sun cimma matsaya da Arsenal kan sharuɗaan kwantiragi, yayin da yanzu ake tattaunawa tsakanin Arsenal da Leicester City domin ganin an kammala cinikin.

Ana sa ran za a kammala yarjejeniyar cikin makonni masu zuwa.

Jeremy Monga matashi ne mai iya taka leda a wurare daban-daban a filin wasa.

LABARAI MASU NASABA

Sarki Sanusi II Ya Tuɓe Rawanin Mai Unguwar Rikadawa Kan Badaƙalar Fili

Tambuwal Ya Jajanta Wa Waɗanda Harin ’Yan Bindiga Ya Shafa A Sokoto, Ya Nemi A Ƙara Tsaro

A bara ya sanya hannu kan kwantiragi na shekara guda da Leicester City, amma bai fara buga wasa a babbar ƙungiyar ba tukuna har sai ya cika shekara 17 a watan Yuli.

Wasu manyan ƙungiyoyi kamar Chelsea da Manchester United sun nuna sha’awarsu ɗaukarsa, amma Arsenal ce ke kan gaba a halin yanzu wajen ƙoƙarin kammala cinikin.