Bayan shafe tsawon shekaru 105 da kafuwar Jam’iyyar Kwaminis ta Kasar Sin da yadda gwamnati karkashin jam’iyyar ke ci gaba da jagorantar kasar Sin cikin hikima da hangen nesa da tarin nasarori, ba na zaton akwai wani abu da gwamnati za ta bullo da shi, da zai sa a ga baikenta kamar yadda wasu suke yi. Salon shugabanci da nasarorin da kasar Sin ta samu cikin gomman shekaru, ya nuna mana cewa, gwamnatin kasa ce kadai ke da alhakin tafiyar da harkokinta yadda ya dace da yanayi da jama’arta, kuma ita ce ta fi kowa sanin abun da ya dace da al’ummarta.   Yadda wasu kasashen yamma da kafafensu na yada labarai ke kokarin jirkitawa da yada jita-jita game da sabuwar dokar kasar Sin dake nufin kara tabbatar da dunkule dukkan kabilun kasar wuri guda, abun mamaki ne matuka. Manufar dokar dai ita ce karfafa hadin kan kasa da tabbatar da daidaito da kuma inganta mu’amala tsakanin kabilu daban-daban.  Duk wanda ke bibiya ko ya ziyarta ko yake zaune a kasar Sin kamar ni, to tabbas ya san yadda gwamnatin kasar ke mayar da hankali kan dukkan al’ummominta ba tare da wariya ko son kai ba, don haka me ya sa za ta fitar da dokar da za ta nuna wariya ko musgunawa jama’arta?  Daya daga cikin abubuwan da suka haifar da hadin kai da ci gaban al’ummar kasar Sin shi ne, sanin cewa dukkansu Sinawa, ’yan uwan juna,  kuma tsintsiya madaurinki daya, kishin kasarsu na gaba da komai.  Kuma wannan kishin da suke da shi a zukatansu ne, kashin bayan ci gaban da suke samu a kai a kai kuma na ban mamaki.  A tunanina, masu fassara wannan doka ta bahaguwar hanya, na yi ne domin cimma wata manufa tasu, ko kuma son ganin al’ummomin kasar sun fada cikin matsalar rarrabuwar kawuna kamar yadda suke ciki, abun da na yi imanin kasar Sin ba za ta taba bari ba. (Fa’iza Mustapha) 

Gwamnatin Sin ta aika da zagayen farko na kayayyakin agajin gaggawa ga Venezuela, domin tallafa wa ayyukan jin kai sanadiyyar...

Hukumar kwallon ta nahiyar Turai (UEFA) ta soki matakin da hukumar kwallon kasa ta Duniya (FIFA) ta dauka na dakatar...

A yayin taron kwamitin kare hakkin dan Adam na MDD(UNHRC) karo na 62, asusun bunkasa hakkin dan Adam na kasar Sin ya shirya wani taron gefe. A gun taron, wani masanin Sin ya yi maganar da ta burge kowa, inda ya ce, "Ma'auni na gaske dake tantance yanayin hakkin dan Adam na wata kasa, ba wani tsari ba ne, sai dai ko al’ummar wannan kasa suna rayuwa da mutunci da tabbaci da kuma ci gaba."   Bisa nazarin da aka yi, na ce, tun daga shekara ta 2009, Sin ta tsara da aiwatar da shirye-shiryen raya ayyukan hakkin dan Adam na kasa, wanda hakan ba wai kawai ya nuna alkawarin da ta yi wa al'ummarta da duniya ba, har ma ya samar da abin koyi ga kasa da kasa kan jagorantar harkokin hakkin dan Adam.   Alkaluma sun nuna cewa, a shekara ta 2025, jimillar GDP na Sin ya kai sama da Yuan tiriliyan 140, kuma matsakaicin kudin shiga na kowane mutum a ko wace shekara ya kai Yuan 43,377, wanda ya karu da kashi 5.0%, idan aka kwatanta da shekarar da ta gabace ta. Adadin wadanda suka shiga inshorar ritaya mai tushe ya kai mutane biliyan 1.076, adadin da ya kiyaye matsayin kashi 95%. Karin guraben aikin yi da aka samar a wannan shekara ya kai miliyan 12.67. Yawan masu shiga karatun tilas na tsawon shekaru 9 na kasar ya kuma kiyaye kashi 96.1%, kuma adadin daliban da ke karatu a jami’o’i ko kwalejoji ya wuce miliyan 43. Wadannan alkaluma sun shaida nasarorin da kasar ta samu a kokarinta na tabbatar da hakkin al’ummarta, kuma suna nuna yadda take aiwatar da manufar "sanya muradun jama’a a gaban komai" da kuma kare "’yancin rayuwar Sinawa".  A yankin Xizang na kasar Sin, a da yawan mutanen da ke fama da jahilci ya kai sama da kashi 95%, amma yanzu an gina cikakken tsarin samar da ilimi na zamani, kuma ana aiwatar da manufar ba da ilimin kyauta na shekaru 15, wanda ya shafi daga matakin gidan renon yara zuwa sakandare. Tsawon rayuwar mutane a yankin ya kuma karu daga shekaru 35.5 a shekarar 1951 zuwa shekaru 72.19 a yanzu. A yankin Xinjiang na Sin, gwamnatin yankin ta kokarin bunkasa masana'antar noma, kamar noman auduga da kuma noman 'ya'yan itatuwa na musamman, don inganta amfani da filayen karkara da kuma kara kudin shigar manoma. A wasu yankuna, an gina makarantun koyon sana'o'i, inda ake ba da horo na musamman kamar aikin lantarki, aikin gida, da kasuwanci ta yanar gizo, don bai wa manoma da makiyaya damar koyon ilmin masana'antu. Wadannan alkaluma da al’amura na bayyana yadda kasar Sin ke kokarin tabbatar da hakkin dan Adam.  Tun bayan kafuwar kwamitin kare hakkin dan Adam na MDD shekaru 20 da suka gabata, har yanzu akwai sauran rina a kaba wajen kula da hakkin dan Adam na duniya. Ayyukan kare hakkin dan Adam na Sin sun ba da mafita madaidaiciya, wato hakkin dan Adam ba hujjar sukar sauran kasashe ba ne, a'a, dabara ce ta samun ci gaba, wato misali girbin gona da kudin shigar jama'a da karatun yara a makarantu, kana da ayyukan yi masu dorewa da ingantuwar rayuwar al’umma. Misalin da Sin take bayarwa dangane da rayuwa da muradun jama’a, ya zama mai ma’ana wajen murnar cika shekaru 20 da kafuwar kwamitin. Wannan kuma ita ce mafi kyawun matakin dake bayyana "Hakkin dan Adam na dukkan bil'adama". (Marubuciya: MINA) 

Rundunar sojin ruwa ta kasar Sin, ta ce wani jirgin ruwanta mai nutso mai makaman nukiliya, ya yi nasarar harba...

An kaddamar da atisayen hadin gwiwa mai taken “Hadin gwiwar ayyuka kan teku-2026” tsakanin Sin da Rasha a wata tashar...

A yau Lahadi 5 ga watan nan na Yuli, dakin nune-nunen shaidun dake tabbatar da ta’asar aikata laifukan yaki, da...

A kwanakin baya, an gabatar da littafin “Bayanan Xi Jinping kan basirar gudanar da ayyuka a kananan hukumomi” a dukkan...

A lokacin zafi na bana, an samu karuwar zafi mai tsanani a kasashen nahiyar Turai, inda kuma kayayyakin Sin na magance zafi suka jawo hankalin jama’ar kasashen sosai, kamar su na'urar sanyaya wurare ta tafi da gidanka, da laima mai fesa ruwa don magance zafin rana, da fanka da ake iya daurawa a kugu da sauransu.   Wata kididdiga ta nuna cewa, yawan na’urorin sanyaya iska da kasar Sin ta fitar zuwa kasashen yammacin Turai ciki har da Faransa, da Netherlands, da Belgium da sauransu, a watanni biyar na farkon bana, ya ninka har sau biyu bisa na makamancin lokaci na bara. A watan Yuni, yawan na’urorin da kasar Sin ta sayar ga nahiyar Turai, sun karu da kashi 72.8 cikin dari bisa na makamancin lokaci na bara.  A baya, an jima sai an huda bangwayen tsoffin gine-ginen da aka yi a kasashen nahiyar Turai, idan ana son hada na’urorin samar da sanyi wanda hakan ke kara kudin da ake kashewa don sanyaya iska, baya ga bukatar bin wasu matakai da dama. Amma daga bisani kamfanonin Sin sun gano dabarar samar da na’urorin sanyaya iska na tafi da gidanka, wadanda ba sa bukatar huda bango don kafa su. Irin wadannan na’urori na bukatar minti 10 kacal wajen hada su, da ajiye su inda ake bukata.  Kayayyakin laturoni na kasar Sin suna biyan bukatun jama’ar kasashen Turai a fannin magance zafin rana a tsawon lokaci ta hanyoyin rike damar da suke da ita, da ingancinsu, da kuma hanzarin kai su wuraren da ake bukata.  A halin yanzu, ana fuskantar ra’ayin killace kai daga wasu bangarori, da na bayar da kariyar cinikayya, kuma kungiyar EU ta gabatar da jerin matakan kayyade ciniki tsakaninta da kasar Sin tun daga farkon shekarar nan. Amma duk da wannan yanayi, an sayar da kayayyakin laturoni na Sin na magance zafi masu tarin yawa a sassan Turai, inda yawan kudin cinikayya a tsakanin Sin da EU a fannin, cikin watanni 5 na farkon bana ya karu da kashi 10.3 cikin dari, bisa na makamancin lokaci na bara, wanda ya shaida cewa, tushen hadin gwiwar tattalin arziki da cinikayya a tsakanin Sin da Turai shi ne samun moriyar juna.  Kasar Sin tana kokarin samar da sabbin gudummawarta, wajen sa kaimi ga samun ci gaba tare a sauran sassan duniya. Lamarin da ya shaida cewa, kasar Sin abokiyar hadin gwiwa ce, kuma za ta ci gaba da samar da gudummawa ga ci gaban duniya baki daya.  (Zainab Zhang) 

Rundunonin sojojin ruwan kasar Sin da na Rasha sun shirya gudanar da atisayen soji, da sintiri na hadin gwiwa a...