Ministan harkokin wajen kasar Sin, Wang Yi, ya bayyana a yau Talata cewa, ya kamata Sin da Turai su tsaya tsayin daka kan matsayar dangantakarsu ta hadin gwiwa, da kauce wa siyasantar da batutuwan da suka shafi tattalin arziki da cinikayya, da kuma zakewa kan batun tsaro a bangaren musaya, da yin aiki wajen samun bunkasar ciniki daidai-wa-daida cikin dogon zango.  Wang, wanda kuma mamban ofishin siyasa na kwamitin tsakiya na jam'iyyar kwaminis ta kasar Sin, ya bayyana hakan ne a lokacin da yake ganawa da tawagar jam'iyyu ta majalisar yankin Turai karkashin jagorancin David McAllister, shugaban kwamitin kula da harkokin waje na majalisar, a nan birnin Beijing. (Abdulrazaq Yahuza Jere) 

Ministan tsaron kasar Japan Koizumi Shinjiro, ya yi wasu kalamai a kwanan nan da suka shafi makaman nukiliya. Game da wannan batu, mai magana da yawun ma’aikatar harkokin wajen kasar Sin, Lin Jian ya bayyana a yau Talata 21 ga watan nan cewa, yunkurin gwamnatin Japan na keta wasu muhimman ka’idoji uku na kasar game da hana mallakar makaman nukiliya da sarrafa su da kuma shigar da su cikin kasar, da kuma kalubalantar odar kasa da kasa bayan yakin duniya na biyu, a bayyane yake. Sabon ra’ayin nuna karfin soja na kasar Japan ya riga ya kunno kai, inda ya zama dole kasa da kasa su yi taka-tsantsan tare kuma da nuna adawa da shi.  Rahotanni sun ruwaito cewa, ministan tsaron kasar Japan, Koizumi Shinjiro, ya bayyana a wani shirin intanet da aka gabatar a ranar 17 ga watan nan cewa, ya kamata kasarsa ta tattauna manufofin da suka shafi makaman nukiliya ba tare da jin tsoro ba, al’amarin da ya jawo hankula a cikin gida da ma sauran kasashen duniya sosai. (Murtala Zhang) 

Ma'aikatar harkokin wajen kasar Sin ta bayyana cewa, kasar ta nuna matukar rashin amincewarta ga jakadan kasar Philippines bisa tsokanar...

An rufe babban taron AI na duniya na 2026 da kuma babban taron kula da harkokin AI na duniya a jiya 20 ga watan Yuli a cibiyar baje kolin kayayyaki ta duniya ta Shanghai. Kididdigar da aka bayar ta nuna cewa, taron ya karbi masu kallo sama da 400,000, da kuma jawo hankalin kungiyoyin sayayya 177 na duniya, ana sa ran cimma yarjejeniyar sayayya da darajarta ta kai kimanin Yuan biliyan 20.36, adadin da ya karu da kashi 25% idan aka kwatanta da shekarar da ta gabata.  A bikin rufewa, masana masana'antu sun bayyana abubuwan da suka gani a taron da kuma ra'ayoyinsu kan abubuwan da suka fi jan hankali, tare da bayyana burinsu ga taro na gaba. An kuma kulla yarjejeniyoyi kan manyan ayyukan AI na birnin Shanghai a lokaci guda, wadanda suka hada da ayyuka 32 a fannoni kamar na ababen more rayuwa na AI, amfani da mutum-mutumi masu hikima da AI mai siffar mutum da hadin gwiwar AI da kimiyya, yawan jarin da aka zuba a wadannan fannoni zai kai sama da Yuan biliyan 40.9.  Wadanda suka halarci taron sun yi imanin cewa, taron ya samu muhimman sakamako a fannoni kamar na hadin gwiwar kasa da kasa, kirkire-kirkiren fasaha da ci gaban masana'antu, da kuma tsarin shugabancin duniya. Matakin da ya nuna yadda Sin ke sauke nauyin dake wuyanta wajen inganta amfani da AI don hidimtawa bil adam, tare da samar da sabon karfin ci gaba da kula da harkokin AI a duniya. (Amina Xu) 

Firaministan Sin Li Qiang, ya aike da sakon taya Andy Burnham murnar hawa mukamin firaministan Birtaniya jiya Litinin. Li Qiang...

Ma’aikatar kula da cinikayya da wasu sassan gwamnati 8 na kasar Sin, sun fitar da wasu matakai 19 na inganta...

Kasar Sin ta bayar da tallafin sama da ton 3,000 na alkama da shinkafa, domin taimaka wa mutane masu rauni...

Rundunar 'yansandan Jihar Bauchi ta kama wani mutum mai suna Clement Anthony, mai shekaru 40 a duniya, bisa zarginsa da...

Dakarun Operation FANSAN YAMMA sun ceto wasu mutane da aka yi garkuwa da su, sun dakile wani yunkurin satar mutane,...

An tabbatar da mutuwar mutum hudu, yayin da wasu da dama suka jikkata, sannan daruruwan iyalai suka rasa matsugunansu sakamakon...