Gwamnatin yankin musammam na Hong Kong na kasar Sin, ta fitar da shirin raya tattalin arziki da zamantakewa na shekaru 5, a jiya Laraba. Wannan shi ne karo na farko da aka fitar da cikakken shiri domin raya tattalin arziki da zamantakewa a yankin na musammam na Hong Kong.  Shirin na shekaru 5 ya alamta shigar yankin cikin fagen shugabancin al’umma mai mayar da hankali kan cikakken tsari mai hangen nesa da fada da cikawa. A matsayinsa na wurin da aka fi gudanar da harkokin tattalin arziki cikin ‘yancin a duniya, kuma cibiyar hada-hadar kudi ta duniya, Hong Kong ya zama wata muhimmiyar kasuwa mai tasiri a yankin kudu maso gabashin Asia da yammacin Asia da kudancin Amurka a shekarun baya-bayan nan. Jerin harkokin da suka shafi hada-hadar kudi da cinikayya da matakan kirkire-kirkire da aka zayyana cikin shirin na shekaru biyar-biyar na farko, zai kara karfafa matsayin Hong Kong na cibiyar hulda da hada-hada.  Ana sa ran karkashin jagorancin shirin na shekaru biyar-biyar na farko, Hong Kong zai ci gaba da amfani da fifiko na musammam da yake da su na dogaro da babban yankin Sin da hadewa da sassan duniya, domin hawa sabon tafarkin shugabanci da samun wadata. (Mai fassara: Fa’iza Mustapha) 

Shugaban kasar Sin Xi Jinping, ya yi kira da a wanzar da kwazo domin fadada, da karfafa ci gaban fannin kere-kere, ta yadda za a samar da goyon baya mai karfi ga bunkasa zamanantarwa irin ta kasar Sin.  Shugaba Xi, wanda kuma shi ne babban sakataren kwamitin kolin JKS, kana shugaban hukumar zartarwa ta rundunar sojojin kasar Sin, ya yi kiran ne cikin wani umarni da ya bayar a baya-bayan nan, wanda aka gabatar a yayin taron kasa kan batun bunkasa kere-kere, wanda ya gudana jiya Laraba da yau Alhamis a birnin Beijing.  Shugaba Xi, ya ce ya kamata a kara azamar tabbatar da ci gaba mai inganci, da tsaro bisa matakin koli, da samar da ci gaba mai kunshe da basira kana marar gurbata yanayi, a kuma mayar da tsarin hada-hadar masana’antun kasar Sin mai karin dogaro da kai da juriyar hadurra.  Daga nan sai shugaban na Sin ya jaddada bukatar gaggauta bunkasa zamanantar da tsarin ayyukan masana’antu ta hanyar ingiza kere-kere a matsayin kashin bayan hakan, da karfafa tushen sashen tattalin arziki mai nasaba da sarrafawa, da hada-hadar sayar da hajoji da hidimomi. (Saminu Alhassan) 

Ɗan takarar gwamna na jam’iyyar NDC a Zamfara, Sanata Kabiru Marafa, ya yi alkawarin cewa zai yi murabus idan aka...

Hukumar Hisbah ta Jihar Kano ta kama wani shahararren mai ƙirƙirar bidiyo a TikTok, Ukasha Yahaya, wanda aka fi sani...

Ana sa ran Shugaban Ƙasa Bola Ahmed Tinubu zai shiga tsakani domin sasanta rikicin siyasa da ya kunno kai tsakanin...

Rundunar ’Yansandan Jihar Katsina ta dakile wani harin ’yan bindiga a ƙaramar hukumar Dutsin-Ma, tare da ceto mutane huɗu da...

Tsohuwar uwargidan Shugaban Nijeriya, Aisha Buhari, ta ziyarci tsohon Mataimakin Shugaban ƙasa, Atiku Abubakar. Atiku ne ya bayyana hakan a...

Yayin da yanayin duniya ke cike da sauye-sauye da tashe-tashen hankali, gibin tsaro na kara haifar da damuwa.  Wani nazari da kafar CGTN ta gudanar tsakanin masu amfani da intanet a fadin duniya, ya nuna kaso 89.6 na masu bayar da amsa na kira ga dukkan kasashe su warware takkadama a tsakanin su ta hanyar tuntubar juna da tattaunawa. Yayin da kaso 80.4 na masu bayar da amsa daga kasashe masu tasowa suka bayyana cewa, dabi’ar yakin cacar baka da neman iko, na barazana ga zaman lafiya a duniya da kara kalubalen tsaro, suna masu kira ga dukkan kasashe su hada hannu wajen samar da tsarin tsaro mai inganci da daidaito da dorewa. (Mai fassara: Fa’iza Mustapha) 

Gwamnan Jihar Zamfara, Dauda Lawal, zai halarci babban taron Majalisar Ɗinkin Duniya a New York, inda zai gana da shugabannin...

A jiya Talata ne mataimakin shugaban kasar Sin Han Zheng ya gabatar da jawabi, a liyafar da aka shirya don nuna maraba da baki mahalarta taron dandalin tattaunawa na Xiangshan da ake gudanarwa kan sha’anin tsaro a birnin Beijing karo na 13, inda wakilai daga kasashe da yankuna da kuma kungiyoyin duniya kusan 100 suka halarta.  A jawabin da ya gabtar, ya ce duk da kalubalen da duniya ke fuskanta a halin yanzu, manufar samar da zaman lafiya, bunkasa ci gaba, hadin gwiwar kasashe, da samun nasara ga kowane bangare, abu ne da ba za a iya dakatar da shi ba, sannan babu ja da baya kan yanayin da ake ciki na samun bunkasar kasashe daban daban da dunkulewar tattalin arzikin duniya wuri guda.  Han Zheng ya jaddada bukatar kiyaye manufofi da dokokin MDD, da tsayawa kan ingantaccen tsarin hadin gwiwar kasa da kasa, warware rikice-rikice ta hanyar tattaunawa da tuntubar juna, sanya bukatar al’umma a gaba da kome, da kuma tabbatar da cewa fasahohi sun zama abin moriya ga cigaban dan Adam.  Ya kara da cewa a a matsayin Sin na babbar kasa kuma kasa mai tasowa mafi girma a duniya, a kullum tana sanya ci gabanta ne domin bunkasa rayuwar dan Adam, da kuma ba da gudunmawarta domin samun zaman lafiya da kwanciyar hankali a duniya, da kuma ci gaba ta hanyar zamanantar da kanta.  Har ila yau, yayin da ake bikin bude taron dandalin Xiangshan na Beijing karo na 13 a yau Laraba, minitan tsaron kasar Sin, Dong Jun ya jaddada batun kiyaye kwanciyar hankali a bisa tsarin mabambantan bangarori. Dong ya yi kira da a ci gaba da yin riko da tsarin mabambantan bangarori na hakika, da kafe kai da fata wajen kiyaye tsarin kasa da kasa a karkashin MDD, da kuma tsarin duniya da aka shimfida bisa dokokin kasa da kasa.  Kazalika, Dong ya jaddada bukatar sanya darussan da aka koya daga tarihi a cikin zukata da ci gaba da sa-ido sosai game da babakeren wata kasa, da tara karfin soji da kuma maimaita tarihi. Dong ya yi nuni da cewa, darussa masu daci da aka koya daga yake-yaken duniya da bala’o’in rikice-rikice da hargitsin da ake fama da su a yau, suna gargadi ne kan cewa rigakafin barkewar rikici dabara ce mafi muhimmanci a bangaren tafiyar da sha’anin tsaro.