Bala Mohammed Ya Musanta Shirin Zama Mataimakin Jonathan A Zaɓen 2027

Gwamna Bala Abdulkadir Mohammed ya musanta rahotannin da ke alaƙanta shi da shirin sauya sheƙa daga jam’iyyar APM domin zama mataimakin tsohon shugaban ƙasa, Goodluck Ebele Jonathan, a zaɓen shekarar 2027.

Martanin Bala ya biyo bayan jita-jitar da ke yawo a kafafen sada zumunta cewa ana la’akari da shi a matsayin ɗan takarar mataimakin shugaban ƙasa tare da Jonathan a ƙarƙashin wani ɓangare na jam’iyyar PDP.

Jita-jitar ta ƙara yaɗuwa ne bayan wani ɓangare na PDP ƙarƙashin jagorancin Kabiru Turaki ya sanar da Jonathan a matsayin ɗan takarar shugaban ƙasa na jam’iyyar a zaɓen 2027 a ranar Asabar.

An tabbatar da Jonathan a matsayin ɗan takarar ɓangaren jam’iyyar ne a wani babban taron ƙasa na musamman da aka gudanar a Abuja. Duk da cewa tsohon shugaban ƙasar bai halarci taron ba, Fred Agbedi ne ya karɓi takardar nasararsa a madadinsa.

Da yake mayar da martani ga wani saƙo da Nuhu Sada ya wallafa a shafin X, wanda ya nuna cewa ana danganta shi da kujerar mataimakin shugaban ƙasa tare da Jonathan, Bala Mohammed ya bayyana irin waɗannan rahotanni a matsayin ƙarya da hasashe kawai.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”