Kungiyar kwallon kafa ta Barcelona ta kasar Sifaniya ta kammala daukar dan wasan gaba, Gabriel Jesus daga Arsenal kan kudi fam miliyan 8.6 (€ miliyan 10).
A cewar rahoton BBC Sport na ranar Talata, dan wasan ya rattaba hannu kan yarjejeniyar shekaru uku, zuwa watan Yunin 2029.
Jesus ya so tafiya kungiyar Napoli ta kasar Italiya kafin ya kammala gwajin lafiyarsa a ranar Litinin, wanda hakan ya ba shi damar kammala komawarsa Barcelona.
Dan wasan mai shekaru 29 ya koma Arsenal ne daga Manchester City a shekarar 2022, inda ya zura kwallaye 32 tare da taimakawa wajen samar da wasu kwallaye 22 a wasanni 123 da ya buga wa kungiyar ta Arewacin Landan.
Sai dai Jesus ya samu raguwar damar kasancewa cikin ‘yan wasan da kociyan Arsenal, Mikel Arteta, ya fi dogaro da su a matsayinsa na dan wasan gaba, sakamakon kishiyoyin dake gabansa, kamar Kai Havertz da Viktor Gyökeres.
