Bayanan da suka fito daga masana’anta a yau Laraba, sun nuna cewa cinikin sayar da motocin sabbin makamashi (NEV) na kasar Sin a watan Yulin 2026, ya kai fiye da kashi 60 cikin dari na adadin sabbin motocin da ake sayarwa wata-wata a karon farko. Haka kuma, yawan motocin NEV da aka sayar a cikin watanni bakwai na farkon shekarar, ya haura kashi 50 cikin dari na jimillar sabbin motocin da aka sayar a kasar Sin.
Hada-hadar fitar da motoci zuwa ketare ta ci gaba da samun gagarumin ci gaba a watan Yuli, inda motocin da aka fitar suka zarce miliyan 1.04 a wata na biyu a jere. Wannan ya nuna samun karuwar kashi 81.3 cikin dari a mizanin shekara-shekara. Musamman ma, fitar da motocin na NEV zuwa ketare a cikin watan ta karu da ninki 1.5, bisa adadin da ya kai 553,000, wanda ya zarce rabin jimillar motocin da aka fitar zuwa ketare a cikin watanni biyu a jere. (Abdulrazaq Yahuza Jere)
