Wani yaro dan shekara 16 mai suna Precious ya amince da yi wa matar dan uwansa da wasu ‘yan mata tara fyade bayan kama shi da jami’an Amotekun suka yi.
A cewar Precious, ya shiga dakin da matar dan uwansa ke barci tsirara inda ya mata fyade.
- Sanar Da Taiwan Ganawa Tsakanin Shugabannin Sin Da Amurka Da Amurka Za Ta Yi, Yana Tattare Da Mummunar Manufa
- Matakai 20 Na Kandagarki Da Shawo Kan Cutar COVID-19 Za Su Inganta Zirga-zirgar Al’umma Da Zuba Jari A Kasar Sin
Ya amsa laifinsa ne a lokacin da aka gurfanar da shi da sauran wadanda ake zargin a hedikwatar Amotekun da ke Alagbaka, Akure, babban birnin Jihar Ondo.
A Laosun, wata unguwa ce a karamar hukumar Ondo ta Yamma, ya yi ikirarin cewa ya kuma yi wa wasu karin ‘yan mata tara fyade.
An kuma zargi Precious da satar lita 25 na dabino, wanda ya ce na babban yayansa ne.
Ya ce, “Na yi wa ‘yan mata tara fyade. Wasu daga cikinsu suna da shekaru 19 zuwa 25. Da daddare zan shiga dakunansu na fara kwana da su.
“Ba na amfani da bindiga ko wuk don yi musu barazana. Wani lokacin asirina yana tonuwa sai amin duka. A baya an taba kama ni.”
A halin da ake ciki, Kwamandan Amotekun a Ondo, Adetunji Adeleye, ya ce bayan kammala bincike, nan ba da jimawa ba za a gurfanar da wanda ake zargin a kotu.
