Dikko Radda Ya Bai Wa Gwarazan Hikayata Kyautar Kudi

Gwamnan Katsina Jihar Katsina, Dikko Radda ya gwangwaje gwarazan Hikayata da kyautar kudade.

Gwamnan ya yi alkawarin bai wa Amra Awwal Mashi kyautar kudi da kuma aikin yi.

• Liverpool Ta Sake Nuna Barakar Real Madrid A Anfield
• Gwamna Yusuf Ya Mika Motocin Bas Na CNG Guda 10 Ga Kungiyar NLC Reshen Kano

Amra wadda ‘yar asalin Jihar Katsina ce, kuma ita ce ta zo matsayi na biyu a gasar Hikayata.

Wakilin gwamnan a wajen taron ne ya bayyana cewa gwamnan ya bai wa Amra kyautar kudi Naira miliyan daya, da kuma daukarta aiki.

Kazalika, ya yi wa mutum 12 da ke kan gaba a gasar kyautar kudi Naira 250,000 kowace.

A ranar Laraba ne BBC Hausa ta yi bikin bayar da kyauta ga wadanda suka yi nasara a gasar rubutu ta Hikayata.