Kungiyar kwallon kafa ta Fulham dake buga gasar Firimiya ta kasar Ingila na duba yiwuwar sayen dan wasan gaban AC Milan dake zaman aro a kungiyar Samuel Chukwueze yayinda lokacin zaman aronshi ke dab da karewa a kungiyar, an ruwaito cewa Fulham na kara himma wajen tabbatar da siyan dan wasan Nijeriya Samuel Chukwueze na dindindin daga AC Milan.
Dan wasan gefen ya yi tasiri sosai tun lokacin da ya koma Craven Cottage a matsayin aro daga kungiyar AC Milan dake buga gasar Serie A ta kasar Italiya, Chukwueze ya kasance daya daga cikin yan wasanda kocin Fulham Marco Silva ke alfahari dashi a kungiyar, inda zuwa yanzu ya zura kwallaye 3 tareda bayar da gudunmawa wajen jefa kwallaye 4 a wasanni 17 da ya buga a gasar.
A cewar jaridar wasanni ta Italiya Gazzetta dello Sport, Fulham na shirin siyan dan wasan na Nijeriya akan Yuro miliyan 24, AC Milan na fatan amfani da wannan damar wajen samun kudaden shiga, inda aka ruwaito cewa suna neman tara kudi domin karfafa kungiyarsu, Chukwueze, mai shekaru 26, ya koma AC Milan daga kungiyar Villarreal ta kasar Spain a shekarar 2023 amma kuka ya yi fama da rashin jefa kwallaye a kungiyar inda ya zura kwallaye hudu kacal a wasanni 51.
