Gwamna Mai Mala Buni na Yobe ya buɗe taron gwamnonin yankin tafkin Chadi karo na biyar a dakin taro na Muhammad Indimi da ke Maiduguri. Manyan baƙi sun hada da mataimakin shugaban ƙasa, Sanata Kashim Shettima, da ministoci, ‘yan majalisun ƙasa da na jihohi, Sarakunan gargajiya, da wakilai daga ƙasashen yankin.
Gwamna Buni ya jaddada buƙatar haɗin kai wajen shawo kan matsalolin yankin, kamar matsalar tsaro, sauyin yanayi, da rashin daidaiton tattalin arziƙi. Ya gode wa shugaba Bola Ahmed Tinubu, da Majalisar Tafkin Chadi, da Majalisar Dinkin Duniya, da sauran abokan ci gaba bisa gudunmawar da suke bayarwa.
- Sojoji Sun Ƙwato Makamai, Sun Ci Gaba Da Neman Bello Turji A Zamfara
- An Kammala Gwaje-Gwajen Wasan Kwaikwayo Na Shirye-Shiryen Bikin Sabuwar Shekarar Sinawa Na CMG Na 2025
Taron yana da taken “Gina sabon yankin Tafkin Chadi: Ƙarfafa nasarori, ƙudurin zaman lafiya, haɗin kan ƙasa da ƙasa, tsaro da ci gaba mai ɗorewa“.
An tattauna ci gaban da aka samu cikin shekaru biyar da suka gabata, tare da ƙoƙarin tabbatar da zaman lafiya da bunƙasa yankin.
Za a rufe taron da fitar da wata sanarwa kan matakan da aka cimma domin ci gaba da shawo kan matsalolin yakin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
