Hisbah Ta Kama Matashi Da Matashiya Kan Yin Aure Saɓanin Dokokin Musulunci A Kano

Hukumar Hisbah ta jihar Kano ta damke wasu matasa biyu – mace da namiji bisa zargin yin aure a asirce ba tare da sani ko amincewar iyayensu ba.

Mataimakin babban kwamandan hukumar Hisbah, Sheikh Mujahidden Aminudeen ne ya tabbatar da kamen wanda ya bayyana auren a matsayin wanda ya sabawa addinin musulunci kuma ba za a yarda da shi ba.

• Gasar Zakarun Turai: Wa Aka Kora Wa Ya Wuce Zagaye Na 16?
• Ko Ina Cikin Gwamnatin Tinubu, Zan Faɗa Wa APC Gaskiya – El-Rufai

A cewar Aminuddeen, ma’auratan da aka sakaya sunansu, rahotanni sun bayyana cewa an daura aurensu ne a wani wurin shakatawa bayan wanda ya jagoranci daurin auren ya biya sadakin amaryar a daren Laraba.

Hukumar Hisbah dake da alhakin tabbatar da bin dokokin addinin musulunci da dabi’u a jihar, ta sha alwashin ci gaba da gudanar da bincike kan lamarin.

Aminuddeen ya nanata cewa aure abu ne mai tsarki a addinin musulunci, don haka, hukumar ba za ta lamunci duk wani wulakanci ga addinin ba.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu