Hukumar Kula Da Gasar Cin Kofin Afirka Ta Karyata Mika Wa Nijeriya Ragamar Saukar Baki A 2025

Hukumar kula da kwallon kafa ta Afirka (CAF) ta karyata rade-raden cewa ta tattauna batun kwace wa Kasar Guinea damar karbar bakuncin gasar cin kofin nahiyar Afirka ta 2025.

In ba a manta ba, Shugaban Hukumar Kwallon Kafa ta Nijeriya (NFF), Amaju Pinnick, ya bayyana a ranar Talata cewa kasarsa (Nijeriya) da makwabciyarta (Jamhuriyar Benin), suna tattaunawa don daukar nauyin gasar cin kofin Afirka ta 2025.

• Za Mu Ceto Zamfara, In Ji Atiku Yayin Da Ya Amshi Baƙuncin Dauda Lawal

Akwai kuma rahotannin da ke cewa za a iya kwace daukar nauyin gasar ta 2025 daga Guinea saboda yanayin siyasar kasar.

Kasar Guinea dai na karkashin mulkin soji ne tun bayan juyin mulkin da aka yi a shekarar da ta gabata, lamarin da ake tunanin zai iya kawo cikas ga shirye-shiryen Gasar a Kasar.

Wani jami’in hukumar ta CAF ya ce hukumarsa ko jami’an kwallon kafa ta Kasar Guinea ba su tattauna batun amsar ragamar karbar bakuncin gasar ba zuwa wata Kasa.

Sulaiman

+ postsBio

• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)
• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar