INEC Ta Soke Sakamakon Zaben Mazabar Doguwa /Tudun Wada Da Ke Kano

Hukumar zabe mai zaman kanta ta kasa INEC ta sanar da cewa, babu wanda ya lashe zaben mazabar Doguwa da Tudun Wada a kujerar tarayya da ke a jihar Kano a zaben ‘yan majalisar wakilai da aka yi a makon da ya gabata

Jami’in zabe na INEC Farfesa Ibrahim Adamu Yakasai ne ya sanar da hakan a yau laraba.

INEC Ta Cire Sunan Alhassan Doguwa Daga Jerin Zababbun ‘Yan Majalisar Wakilai

LEADERSHIP ta ruwaito cewa, tun da farko INEC ta bayyana sunan Alhassan Doguwa dan majalisar wakilai mai ci wanda ya ke wakiltar mazabar a inuwar APC a matsayin wanda ya lashe zaben mazabar.

LABARAI MASU NASABA

Sojoji Sun Ceto Mutane 3 Da Aka Yi Garkuwa Da Su A Kebbi

Majalisar Dokokin Kano Ta Tabbatar Da Mutane 6 A Matsayin Sabbin Kwamishinoni

Har ila yau, a jiya talata INEC ba ta sanya sunan Doguwa a cikin jerin sunayen ‘yan majalisar wakilai da aka zaba a makon da ya gabata ba, inda INEC ta ce, jami’in zaben ya sanar da sunan Doguwa ne a cikin tsoro da tursasawa.